9543-01
ගුරු අධ්‍යාපනපති උපාධි පාඨමාලාව යටතේ ගුරු අධ්‍යාපනඥා වෘත්තිකයෙකු ලෙස කටයුතු කිරීමේදී පාඨමාලාව ඉගෙනුම් ඵල පහක් යටතේ අධ්‍යයනය කිරීමට අවස්ථාව ලැබුනි. එහිදී
ගුරුවරුන් සතු විය යුතු යැයි අපේක්ෂා කරන ගති ලක්ෂණ හා නිපුණතා හඳුනාගැනීමටත් ඒවා ඔබගේ ගුරු ශිෂ්‍යයන් තුල සංවර්ධනය කිරීමත් යන ඉගෙනුම් ඵලය සංවර්ධනය කිරීම සඳහා අවශ්‍ය ඉගෙනුම් සම්පත් ලබාදී තිබුනි. මෙහිදී ගුරුවරයෙකු සතුවිය යුතු යැයි අපේක්ෂා කරන ගති ලක්ෂණ හා නිපුණතා පිළබඳ මීට පෙර අධ්‍යයනය කිරීමට හැකියාවක් ලැබුනි. මා ගුරුවරයෙකු ලෙස වසර 8 ක් පමණ සේවය කල අතර පසුව විදුහල්පතිවරයෙකු ලෙස වසර 06 ක් පමණ සේවය කරමින් සිටී.එහිදි ගුරුවරයා සතු විය යුතු ගති ලක්ෂණ පිළිබඳව අධ්‍යාපන අමාත්‍යංශය මඟින් නිකුත් කරන ලද ගුරු ආචාර ධර්ම චක්‍රලේඛය අනුව කරුණු අධ්‍යයනය කිරීමට හැකියාවක් ලැබුනි. නමුත් මා තුල ඒ පිළිබඳ දැනුම ප්‍රමාණවත් නොවන බව හැඟී යයි. ඒ අනුව ලබා දී තිබූ ඉගෙනුම් සම්පත් හොඳින් පරිහරණය කිරීම හා දින පාසල් තුලින් ලද දැනුම අනුව ගුරුවරයා සතුවිය යුතු ලක්ෂණ හා නිපුණතා පිළිබඳ මනා දැනුමක් ලබා ගැනීමට හැකියාව ලැබුනු බව මට හැඟේ. ඒ අනුව ගුරු ආචාර ධර්ම මෙන්ම ගුරු නිපුනතා මනාව අධ්‍යයනය කිරිමට හැකියාව ලැබුනි. මෙහිදී දින පාසල තුලදී කථිකාචාර්යතුමිය ලබාදුන් දැනුම මෙන්ම ලබාදුන් ක්‍රියාකාරකම් වලට සක්‍රීයව සම්බන්ධ වීම නිසා මාගේ සමපදස්තයන්ගෙන් ලැබුන දැනුම ද ඉතා වැදගත් වූ බව මට හැඟේ. මේ අනුව ගුරුවරයෙකු සතුවිය යුතු ගුණාංග මෙන්ම නිපුණතා මොනවාද යන්න මනා දැනුමක් ලැබූ අතර එම ගුණාංග හා නිපුණතා සංවර්ධනය කිරීම තුලින් ගුරු සිසුන්ට ඒ තුලින් ඵලදායී ඉගෙනුම් පරිසරයක් ලබා දිය හැකි බව හැගී යයි. මේ අනුව පාඨමාලාව තුල සක්‍රීයව දායක වීම තුලින් ලබාගත් දැනුම මෙන්ම අන්තර්ජාලය පරිහරණය කිරීම මෙන්ම මාගේ සම්පත්දායකයන් සමඟ හුවමාරුකරගත් දැනුම නිසා දැනුමින් මෙන්ම ආකල්ප හා තාක්ෂණික කුසලතා සහිත ගුරුවරයෙකු බිහි කිරීමට අවශ්‍ය දැනුම ලැබුනු බව මට හැඟී යයි. මේ අනුව මාගේ ඉදිරි වෘත්තීය ජීවිතය තුල මාගේ පාසලේ ගුරු පරපුර මෙන්ම සමස්ථ ගුරුවරයා සතු විය යුතු ගුණාංග හා නිපුණතා සංවර්ධනය කිරීම සඳහා ලබාගත් දැනුම ඉදිරියේ භාවිතා කිරීම සඳහා ඵලදායී බව මට හැඟේ. ඒ අනුව මාගේ ඉදිරි වෘත්තීය ජීවිතය සාර්ථක කරගැනීමට මෙම පාඨමාලාව ඉවහල් කර ගත හැක. ගුරුවරයා සතු විය යුතු ගති ලක්ෂණ හඳුනා ගැනිම සඳහා පාඨමාලාව අධ්‍යයනය ඉතා වැදගත් විය. මේ අනුව ගුරුවරයා සතුවිය යුතු ගති ලක්ෂණ හඳුනා ගැනීම සඳහා ලබා දී තිබූ සිද්ධි මාලාව ඉතා වැදගත් විය. මෙම සිද්ධි මාලාවට අනුව ගුරුවරයා සතු ලක්ෂණ නිවැරදිව හදුනා ගැනීමට හැකියාව ලැබුන බව මට හැඟේ. මීට අමතරව ගුරුවරයෙකු සතුවිය යුතු නිපුණතා මොනවාද යන්න හඳුනා ගැනීමට ද මෙම සිද්ධි මාලාව ඉතා වැදගත් විය. ඒ අනුව සුවිශේෂී ලෙස හඳුනාගත හැකිවූයේ සන්නිවේදන නිපුණතාව මෙන්ම තාක්ෂණ මෙවලම් භාවිතය පිළිබඳ නිපුණතාව ඉතා වැදගත් බවයි.
ඉගනුම්ඵල 02
වෘත්තීය ආචාර ධර්ම වර්ධනය කිරීම වැදගත් වන්නේ ඇයිදැයි පැහැදිලි කර ගැනීමටත් ගුරුවරුන් හා ගුරු අධ්‍යාපනඥයින් ලෙස ඔබේ වෘත්තියේ එවැනි ආචාර ධර්ම ඇතුලත් කර ගැනීම
ගුරුවරයෙකු ලෙස වෘත්තීය ජීවිතය තුල වර්ධනය කරගත යුතු ආචාර ධර්ම පිළිබඳ ලබා තිබූ දැනුම ප්‍රමාණවත් නොවුන බව පාඨමාලාව හැදෑරීම තුලින් අවබෝධ වූ බව හැඟී යයි. ඒ අනුව ගුරුවරයෙකු ලෙස වසර කිහිපයක් සේවය කල ද සතු විය යුතු හා වර්ධනය කර ගත යුතු ආචාර ධර්ම මොනවාද යන්න පිළිබඳ යම්තාක් දුරකට අවබෝධයක් තිබුනු බව හැඟී යයි. එහෙත් තවදුරටත් එම ආචාර ධර්ම පිළිබඳව අවබෝධයක් ලැබිය යුතු බව පාඨමාලාව හැදෑරීමෙන් අවබෝධ විය. ඒ අනුව වෘත්තීය ජීවිතය තුල සාර්ථක පුද්ගලයෙකු වීම සඳහා ගුරු ආචාර ධර්ම පිළිබඳ අවබෝධය වැදගත් බව හැඟී යන කරුණකි. මේ අනුව පාඨමාලාව තුලදී ඉතා සාර්ථක වෘත්තිකයෙකු ලෙස කටයුතු කිරීම සඳහා අවශ්‍ය මඟ පෙන්වීම ලැබුනු බව මට හැඟී යයි. ඒ අනුව පාඨමාලාව අධ්‍යයනය කිරීම ඉතා වැදගත් බව මට හැඟී යන කරුණකි. පාඨමාලාව තුල පැවති දින පාසල හා සම්බන්ධ වීම සිදුකරන ලදි. එහිදී ලබා දී තිබූ ඉගෙනුම් සිද්ධි මාලාව අධ්‍යයනය සඳහා අවස්ථාව ලබාදීම තුල ගුරුවරයෙකු ලෙස කොතෙක් දුරට ගුරු ආචාර ධර්ම වර්ධනය කරගත යුතුද යන්න පිළිබද මනා අවබෝධයක් ලබාගත හැකි විය. මේ අනුව මා තුල පැවති ආචාර ධර්ම මෙන්ම මාගේ වෘත්තීමය ආචාර ධර්ම සමඟ ගැලපීම තුලින් වෘත්තීය ජීවිතය හැඩගසා ගැනීම කෙසේ සිදු කරන්නද යන්න පිළිබඳ අවබෝධයක් ලැබුනි. මේ අනුව ලබා දී තිබූ ඉගෙනුම් සම්පත් හොඳින් පරිහරණය කිරීමට අවස්ථාව ලබාගැනීම සිදු කරන ලදි. මා හට වෘත්තීය ජීවිතයට වඩා වැදගත් කරුණු රැසක් අවබෝධ කරගැනීමට අවස්ථාව ලැබුණි. එලෙසම අන්තර්ජාලය පරිහරණය කිරීම සඳහා අවස්ථාව සපයා දී තිබීම ඉතා වැදගත් විය. ඒ සඳහා අවශ්‍ය මාර්ගෝපදේශය පාඨමාලාව තුලින් මැනවින් ලද බව මට හැඟී යයි. මේහිදී ලබාදී තිබූ අන්තර්ජාල ඇඉ ්ාාරුි හා ඊට අමතරව විවිධ අන්තර්ජාල පරිහරණය කිරීම තුලින් විවිධ රටවල ක්‍රියාත්මක වන ගුරු ආචාර ධර්ම පිළිබඳවද අවබෝධයක් ලබාගැනීමට හැකිවිය. පාඨමාලාව තුලින් ලබාගත් දැනුම අනුව මාගේ ඉදිරි වෘත්තීය ජීවිතය ජයග්‍රහණය කරගැනීම සඳහා ගුරු අධ්‍යාපනපති උපාධි පාඨමාලාව පිටුවහලක් වූ බව මට හැඟී යැයි. මේ අනුව මාගේ පාසලේ ගුරු ප්‍රජාව වෙතත් සමස්ථ ගුරු ප්‍රජාව වෙතත් මා ලබාගත් දැනුම හුවමාරු කර ගනිමින් ඉතා සාර්තක ආදර්ශමත් ගුරුවරුන් සමාජයට දායාද කිරීමට පාඨමාලව තුලින් ලබාගත් දැනුම ප්‍රයෝජනයට ගත හැකි බව හැඟී යයි.
ඉගනුම්ඵල 03
ප්‍රධාන නීති සම්පාදනයේ හිඩැස් සහ ක්‍රියාත්මක කිරීමේදී පවතින අඩුපාඩු හඳුනාගෙන මෙම හිඩැස් මඟහරවා ගැනීම සඳහා උපායමාර්ග යෝජනා කිරීම
ගුරු අධ්‍යාපනපති පාඨමාලාව තුල අධ්‍යාපනඥයා වෘත්තිකයෙකු ලෙස ක්‍රියා කිරීමේදී ගුරුවරයෙකු මෙන්ම විදුහල්පතිවරයෙකු ලෙස ක්‍රියාත්මක වීමේදී අධ්‍යාපනයේ ප්‍රධාන නීතිරීති පිළිබඳ ආයතන සංග්‍රහය අනුව ලබාගත් දැනුම මෙන්ම විවිධ අවස්ථාවලදී ලබාගත් අවබෝධය කොතෙක් දුරට ප්‍රමානවත් ද යන්න පාඨමාලාව අධ්‍යයනය කිරීම තුලින් අවබෝධ කර ගැනීමට හැකියාව ලැබුනු බව මට හැඟී යයි. මේ අනුව අධ්‍යාපන පද්ධතිය තුල ගුරුවරයෙකු ලෙස නීති රීති සම්පාදනයේදී ඒවා ප්‍රායෝගිකව වැදගත් වන අවස්ථා පිළිබඳ අධ්‍යයනය වැදගත් බව පාඨමාලාව තුලින් අවබෝධ කරගත හැකි විය. ප්‍රායෝගිකව ගුරුවරයෙකු ලෙස වැඩ කටයුතු කරගෙන යාමේදී පවතින නීතිරීතිවල අඩුපාඩු මෙන්ම එහි වැදගත් අවස්ථාද ඇති බව හැඟී යයි. මේ අනුව එම නීතිරීති රැක ගනිමින් ප්‍රායෝගිකව අධ්‍යයන ක්‍රියාවලිය පවත්වාගෙන යාම ඉතා වැදගත් බව අවබෝධ විය. පාඨමාලව තුල පැවති දින පාසල තුලින් ලද දැනුම මෙන්ම මාගේ සමපාදකයන් නිරන්තරයෙන් හුවමාරු කරගත් දැනුම ඉතා වැදගත් වූ බව මට හැඟී යයි. මෙහිදී මාගේ සමපාදකයින් වැඩි පිරිසක් අධ්‍යාපන ක්ෂේත්‍රයේ ඉහල නිලධාරීන් වීම තුලින් ඔවුන්ගේ දැනුම හුවමාරු කර ගැනීමට අවස්ථාව සම්පාදනය කර දීම ඉතා වැදගත් බව මට හැඟී යයි. මෙහිදී අධ්‍යාපන අමාත්‍යංශය/විශාග දෙපාර්තමේන්තුව මෙන්ම කලාප කාර්යාලය නියොජනය කරමින් මාගේ සමපදස්තයන් සිටීම නිසා ඔවුන් සමග අත්දැකීම් බෙදාගත හැකිවීම තුල නීතිරීති කෙසේ අධ්‍යාපන ක්‍රියාවලිය තුල ක්‍රියාත්මක කල යුතුයද යන්න පිළිබදව මනා අවබෝධයක් ලබාගත හැකිවූ බව හැගීයයි. එහිදී ලැබුණු අභියෝග මොනවාද යන්න හොඳ අවබෝධයක් ලබාගැනීමට හැකියාව ලැබුනු බව මට හැඟේ. මේ අනුව නීති සම්පාදනය කිරීමේදී ඊට අදාලව සලකා බැලිය යුතු කරුණු පිළිබඳව මූලිකව අධ්‍යයනය කර සකස් කල යුතු බව අවබෝධ විය. කුඩා පරිමාණ ව්‍යාපෘති අංක දෙකට අදාළව සකස් කිරීමට නියමිතව තිබූ පාසලක හෝ ගුරූ අධ්‍යාපන ආයතනයක පවතින ගැටලු හඳුනාගැනීම හා ම ගැටලු විසඳා ගැනීම සඳහා ක්‍රියාකාරී සැලැස්මක් සකස් කිරීම හා ඊට අදාළව එම ගැටළු වලට විසඳුම් සොයන ආකාරය පිළිබඳව දෙවන දින පාසල තුල සිදුකරන ලද ක්‍ර්‍රිියාකාරකම පදනම් කරගනිමින් විශාල දැනුම් සම්භාරයක් ලැබුණු බව මට හැඟී යයි. ඒ අනුව ලබා දී තිබූ ධෑඍ අධ්‍යාපනඥයා ඉතා වැදගත් විය. එමඟින් විවිධ රටවල පවතින අධ්‍යාපන නීති රීති පිළිබඳව අධ්‍යයනය කිරීමට හැකියාව ලැබීම තුල එම නීති රීති කොතෙක් දුරට අධ්‍යාපන ක්‍රියාවලියට ප්‍රායෝගිකව ගැලපේද යන්න සොයා බැලීමට හැකියාව ලැබුණි. මේ අනුව පාඨමාලාව තුල තුන්වන ඉගෙනුම් ඵලය කරා ළඟා වීමේදී පළමු ඉගෙනුම් ඵල දෙක තුලින් අත්පත් කරගත් ගුරු ආචාර ධර්ම හා ඒවායේ භාවිතා මෙන්ම අධ්‍යාපන පද්ධතියක් තුල නීතිරීති සැලසුම් කිරීමේ වැදගත්කම මට හැඟී යයි. ඒ අනුව ඒ සඳහා නීතිරීති ප්‍රායෝගික භාවිතා කල හැකි සේ සකස් කිරීම ඉතා වැදගත් බව මට හැඟී ගිය කරුණකි. මෙසේ ලබාගත් දැනුම තුල මාගේ වෘත්තීය ජීවිතය ඉතා සාර්ථකව ඉදිරියට පවත්වාගෙන යාමට හැකියාව ලැබෙනු ඇතැයි මට හැඟේ. මේ අනුව වෘත්තීය තුල නීතිරීතිවලට ගරු කරමින් සමස්ථ අධ්‍යාපන ක්‍රියාවලිය සාර්ථකව ඉදිරියට කරගෙන යාමට පාඨමාලාව තුලින් ලබාගත් දැනුම ඉතා වැදගත් වනු ඇත. එම දැනුම ඉදිරියේදී සාර්ථක නායකයකු ලෙස ක්‍රියාත්මක කිරීමට බලාපොරොත්තු වේ.
04 වන ඉගනුම්ඵලය ප්‍රත්‍යාවේක්ෂනය
අධ්‍යාපනයේ සමාජ,ආර්ථික සහ දේශපාලන සන්දර්භයන්ගෙන් පැන නඟින අනර්ඝණ විශ්ලේෂණය කර ඒවා කළමණාකරනය කිරීමට ඔබේ ශිෂ්‍ය ගුරුවරයාට මඟ පෙන්විම.
ගුරු අධ්‍යාපනඥයා වෘත්තිකයෙකු ලෙස කටයුතු කිරීමේදී, මා පාසලක විදුහල්පතිවරයෙකු ලෙස කටයුතු කිරීම සඳහා අවශ්‍ය මඟ පෙන්වීම පාඨමාලව තුලින් ලබාගත් අයුරු විස්තර කිරීම සිදුකර ඇත. මෙහිදී විදුහල්පතිවරයෙකු ලෙස වසර 6 ක පමණ කාලයක් ලද අත්දැකීම් අනුව පාසලේ ගුරුභවතුන් සමඟ කටයුතු කිරිමේදී ලබාගත් අත්දැකීම් මෙන්ම ඉදිරි වෘත්තීය ජීවිතය සඳහා අවශ්‍ය දැනුම ලබාගැනීම සඳහා මෙම පාඨමාලාව වැදගත් වූ බව හැඟේ. මේ අනුව අධ්‍යාපන පද්ධතිය තුල සමාජ ආර්ථිකය හා දේශපාලනය පැතිකඩ ඉතා වැදගත් බව මා හට අවබෝධ වී තිබුණද එය වඩා විධිමත් ලෙස අවබෝධ කර ගැනීමට මෙම පාඨමාලාව ඉවහල් වූ බව මට හැඟේ. මෙහිදී පාඨමාලාව තුල දෙවන දින පාසල තුලදී සිදුකරන ලද ක්‍රියාකාරකම් හා කථිකාචාර්යතුමිය විසින් ලබාදුන් දැනුම අනුව අධ්‍යයන පද්ධතිය සඳහා සමාජ පසුබිම ඉතා වැදගත් බවත් ඒ සඳහා ආර්ථිකමය මෙන්ම දේශපාලන ස්ථාවර බව ඉතා වැදගත් බව අවබෝධ කර ගැනීමට හැකියාව ලැබුනි. මේ සඳහා දින පාසල තුලදි සිදුකරන ලද ක්‍රියාකාරකම් තුල සමපදස්තයන් සමඟ දැනුම හුවමාරු කර ගැනීමට අවස්ථාව ලබාදීම තුල එකිනෙකා අතර හුවමාරු කරගත් දැනුම අනුව ඉහත දක්වා ඇති සමාජ, ආර්ථික හා දේශපාලනිකව පැන නඟින ගැටලු කෙසේ කළමණාකරන කරගන්නේද යන්න පිළිබඳව හොඳ දැනුමක් ලැබුනි. මේ අනුව ගැටලු විශ්ලේෂණය කර ඒවා කළමණාකරනය කරගන්නා ආකාරය පිළිබඳව මූලිකව අධ්‍යයනය කිරීමට හැකියාව ලැබුනි. ඒවා පැන නඟින ආකාරය කෙසේද යන්න අධ්‍යයන කර ඒවාට විසඳුම් ලබාදීම වැදගත් බව අවබෝධ විය. කුඩා පරිමාණ ව්‍යාපෘති අංක දෙකට අදාළව සකස් කිරීමට නියමිතව තිබූ පාසලක හෝ ගුරූ අධ්‍යාපන ආයතනයක පවතින ගැටලු හඳුනාගැනීම හා ම ගැටලු විසඳා ගැනීම සඳහා ක්‍රියාකාරී සැලැස්මක් සකස් කිරීම හා ඊට අදාළව එම ගැටළු වලට විසඳුම් සොයන ආකාරය පිළිබඳව දෙවන දින පාසල තුල සිදුකරන ලද ක්‍ර්‍රිියාකාරකම පදනම් කරගනිමින් විශාල දැනුම් සම්භාරයක් ලැබුණු බව මට හැඟී යයි. මීට අමතරව අධ්‍යාපන ක්‍රියාවලිය පවත්වාගන යාමේදී විවිධ දේශපාලනික බාධා හා ගැටලු කෙසේ කළමණාකරන කරන්නේද යන්න පිළිබඳ දීර්ඝව කථා කිරීමට අවස්ථාව ලැබුනි. ඒ අනුව මාගේ සමපදස්තයන් විවිධ ගැටලු ඉදිරිපත් කිරිම හා ඒවාට කෙසේ කළමණාකරනය කර ගන්නේද යන්න පිළිබඳ අධ්‍යයන කිරීමට ලැබීමි. පාඨමාලාව තුලින් ලද ඉතා වැදගත් අවස්ථාවකි. මේ අනුව අධ්‍යාපන ක්‍රියාවලිය තුල තාවකාලිකව පැන නඟින සමාජීය , ආර්ථික මෙන්ම දේශපාලනයට ගැටලු හොඳින් කළමණාකරනය කරගැනීම කෙසේ සිදු කරන්නේදැයි යන්න පිළිබඳව ලැබුනු දැනුම අනුව මාගේ ඉදිරි වෘත්තීය ජීවිතය සාර්ථක කර ගැනීමට හැකියාව ලැබෙනු ඇතැයි මට සිතේ. මේ අනුව පාඨමාලාව තුලින් මෙතෙක් අධ්‍යයනය කරන ලද ඉගෙනුම් ඵල හතරට සාර්ථක ගුරුවරයෙකු / විදුහල්පතිවරයෙකු මෙන්ම ගුරු අධ්‍යාපනඥයකු වීමේ හැකියාව ලැබුනු බව මට හැඟේ. ඉගෙනුම්ඵලය - 05 ගුරුවරුන්ගේ සවිබලකරණය සඳහා පාසල් පාදක ව්‍යාපෘතින් හි ආකෘති සැකසීමේ හා සංවර්ධනය කිරීමේ කුසලතා විදහා දැක්වීමටත් ඔබට හැකියාව ලබාදෙනු ඇත. ගුරු අධ්‍යාපනඥයා වෘත්තිකයෙකු ලෙස STP9543 පාඨමාලාව යටතේ ගුරුවරුන් සවිබල ගැන්වීම සඳහා පාසල් පාදක ව්‍යාපෘති සඳහා ආකෘති සැකසීම හා සංවර්ධනය කිරීමේ කුසලතාව විදහා දැක්වීම සඳහා අවශ්‍ය දැනුම මාහට යම්තාක් දුර කර තිබූ අතර එහෙත් එය මාගේ වෘත්තිය ජීවිතයට ප්‍රමාණවත් නොවීය. ඒ සඳහා අවශ්‍ය වෘත්තීයමය කුසලතාවය වර්ධනය කර ගැනීමට අවශ්‍ය පසුබිම පාඨමාලාව තුළින් ලද බව මට හැඟේ. මේ සඳහා පාඨමාලාව තුළ ලබාදී තිබු ඉගෙනුම් සම්පත් නිවැරදිව පරිශීලනය කිරීමට හැකියාව ලැබුණි එමගින් ලද දැනුම මෙන්ම දින පාසල් තුලින් සිදු කරන ලද ක්‍රියාකාරකම් පාදක දැනුම ඉතා වැදගත් විය. මේ ආකාරයට එකතු කරගත් දැනුම තුළින් ගුරුවරයකු කෙසේ සවිබල ගැන්විය යුතු යුතුද ඒ සඳහා අවශ්‍ය ක්‍රියාකාරකම් මොනවාද යන්න පිළිබඳව අධ්‍යයනය කිරීමට හැකියාව ලැබුණි. මෙමගින් ඉතා සාර්ථක ගුරුවරයෙකු පිළිබඳව අධ්‍යනය කිරීමට හැකියාව ලැබුණි. ඊට අමතරව ගුරු වෘත්තීය සංවර්ධන සැලැස්මක් සකස් කර ගැනීමට හැකියාව ලැබුණු බව මට හැඟී යයි. ඊට අදාළ දැනුම යාවත්කාලීන කර ගැනීම සඳහා අවශ්‍ය අන්තර්ජාල තොරතුරු පාඨමාලාව තුළ ලබා දී තිබීම මෙන්ම තොරතුරු හුවමාරු කරගැනීම සඳහා ලබා දී තිබූ මාර්ගගත සාකච්චා මණ්ඩපය ඉතා වැදගත් විය. පාඨමාලාව තුළ සකස් කිරීමට තිබූ කුඩා පරිමාණ ව්‍යාපෘති ලිවීමේ දී කරුණු සොයා බැලීම මෙන්ම සමපදස්ථ අදහස් ලබා ගැනීම තුළින් ලද දැනුම ඉතා වැදගත් වූ බව මට හැඟී යයි. මෙම පාඨමාලාව අධ්‍යයනය කිරීම නිසා ලද දැනුම තුළ මා විදුහල්පතිවරයෙකු ලෙස කටයුතු කරන්නේ කෙලෙසද මෙන්ම නායකයෙකු ලෙස ගුරුවරයා සවිබල ගැන්විය යුතු පාර්ශව මොනවාද ඒ සඳහා ගත යුතු ක්‍රියාමාර්ග මෙන්ම සකස් කළ යුතු සැලසුම් මොනවාද යන්න පැහැදිලි ව අවබෝධයක් ලබා ගැනීමට හැකියාව ලැබීම තුල මාගේ වෘත්තීය ජීවිතය සාර්ථක කර ගැනීමට අවශ්‍ය පසුබිම පාඨමාලාව තුළින් ලද බව මට හැඟීයයි. මේ අනුව මා විදුහල්පතිවරයෙකු ලෙස තම යුතුකම් හා වගකීම් ඉටු කිරීමේදී වැදගත්ම පාර්ශවයක් ලෙස ගුරුවරයා හැඳින්විය හැකි අතර ගුරුවරයා ප්‍රබලව සවිබල ගැන්වීමට අවශ්‍ය හැකියාව පාඨමාලාව තුළින් ලැබුණු අතර එම ලැබුණු දැනුම මාගේ ඉදිරි වෘත්තිය ජීවිතය සාර්ථක කර ගැනීමට සැලැසුම් සහගතව භාවිතා කිරීමට බලාපොරොත්තු වේ.
0 comments:
Post a Comment