ඉගනුම් ඵල
ඉගෙනුම්ඵලය - 01
අධ්‍යාපන ආයතනයක් තුල පැන නඟින ගැටලු හඳුනා ගැනීම , ඒවාට විසදුම් සෙවීම හා යෝග්‍ය තීරණවලට එළඹීම. ගුරු අධ්‍යාපනඥයා කළමණාකරුවෙකු හා නායකයෙකු ලෙස කටයුතු කිරීමේදී නිවැරදි නායකයෙකු හා කළමණාකරුවෙකු ලෙස කටයුතු කිරීම සඳහා අවශ්‍ය තීරණ ගැනීම හා ඊට අදාලව පවතින තත්වයන් කළමණාකරනය කළයුතු ආකාරය පිළිබඳ යම්තාක් දුරට මා හට දැනුමක් තිබූ අතර එහෙත් ආයතනයක් නිවැරදිව කළමණාකරනය කර ගනිමින් එහිදි නායකයෙකු ලෙස කටයුතු කරන ආකාරය පිළිබඳ මා තුළ තිබූ දැනුම ප්‍රමාණවත් නොවුනු බව පාඨමාලාව අධ්‍යයනය තුලින් වැටහී ගිය බව මට හැඟුනි. මෙහිදී පාඨමාලාව තුලින් ලබා දී තිබූ ඉගෙනුම් සම්පත් නිසි පරිදි අධ්‍යයනය කිරිමට අවස්ථාව ලැබීම හා පැවති දින පාසල් හා සම්බන්ධ වෙමින් ලබාගත් දැනුම අනුව නිවැරදිව ආයතනයක් තුල ගැටලු හඳුනා ගැනීම මෙන්ම එම ගැටලුවලට විසඳුම් ලබාගැනීම කෙසේ සිදුකල යුතුද යන්න පිළිබඳ මනා අවබෝධයක් ලබාගැනීමට හැකිවිය. මේ අනුව දින පාසල තුලදී ලබාදුන් ක්‍රියාකාරකම් තුලින් මෙන්ම මාගේ සමපදස්තයන් තුලින් ලබාගත් දැනුම ඉතා ප්‍රයෝජනත් විය. මිට අමතරව කුඩා පරිමාණ ව්‍යාපෘති අංක 01 ට අදාලව සකස්කරන ලද ව්‍යාපෘතිය තුලින් ලබාගත් දැනුම මෙන්ම ලබාදි තිබූ ධෑඍ පරීක්ෂණ තුලින් ලද දැනුමද කථිකාචාර්යතුමන් විසින් ලබාදුන් දැනුම ඉතා ප්‍රයෝජනවත් විය. මා වෘත්තියෙන් විදුහල්පතිවරයෙකු වන අතර පාසල තුල පවතින තත්වයන් නිසි පරිදි කළමණාකරනය කර ගැනීම මෙන්ම පවතින ගැටලු හඳුනාගැනීම ඉතා වැදගත් විය. ඒ සඳහා පාඨමාලාව තුලින් ලද දැනුම ප්‍රයෝජනයට ගත හැකි වීම මෙන්ම ඉදිරි වෘත්තීය ජීවිතයට ඉතා වැදගත් අවස්ථාවක් බව මට හැඟී යයි. මෙහිදී ගැටලු හඳුනාගනිමින් ඒවාට සුමටව විසඳුම් ලබාදීමට අවශ්‍ය න්‍යායාත්මක පසුබිම පිළිබඳ අධ්‍යයන කරමින් නිවැරදිව විසඳුම් ලබාදීමට හැකියාව ලැබී ඇති බව මට හැඟී යයි. මෙහිදී කර්ට් ලෙවින්ගේ න්‍යායට අනුව තීරණ ගැනීමේ භූමිකාව මැනවින් අධ්‍යයනය කිරීම හා ඒ තුලින් ලද දැනුම පාදක කරගනිමින් ඉදිරි වෘත්තීය ජීවිතය සාර්තක කරගත හැකිබව මට හැගේ.
ඉගෙනුම්ඵලය 02
කළමණාකරන ක්‍රියාවලියට අදාල දැනුම හා කුසලතා භාවිතය. ගුරු අධ්‍යාපනඥයා කළමණාකරුවෙකු හා නායකයෙකු ලෙස කටයුතු කිරීමට අදාලව ප්‍රමුඛ කාර්යයක් ලෙස කළමණාකරන ක්‍රියාවලිය ඉතා වැදගත් වේ. මෙහිදී විදුහල්පති ලෙස කටයුතු කරන මා කළමණාකරන ක්‍රියාවලිය හා සෘජුවම සම්බන්ධ වන පුද්ගලයෙකි. එහිදී කළමණාකරන ක්‍රියාවලියේ ඇති වැදගත්කම මෙන්ම ක්‍රියාවලිය නිසි පරිදි පවත්වාගැනීම පිළිබඳ යම්තාක් දුරකට අවබෝධයක් තිබූ අතර එසේම එම දැනුම තවදුරටත් වැඩිකර ගැනීම හා කළමණාකරන ක්‍රියාවලිය තුල කටයුතු සිදුකරන ආකාරය පිළිබඳ වැඩිදුර අධ්‍යයනය සිදුකිරීමට පාඨමාලාව වැදගත් වූ බව මට හැඟේ. මේ සඳහා පියවරෙන් පියවර පාඨමාලාව ගැඹුරින් අධ්‍යයනය කිරීම වැදගත් බව මට හැඟී යන කරුණකි. ඒ අනුව පාඨමාලාව සඳහා ලබා දී තිබූ ඉගෙනුම් සම්පත් නිසි පරිදි පරීක්ෂා කිරීම සිදුකරන ලදි. ඊට අමතරව දින පාසල් තුලින් ලබාදුන් දැනුම ඉතා අගය කොට සලකමි. පාඨමාලාව සඳහා සක්‍රීයව සම්බන්ධ වෙමින් කළමණාකරන ක්‍රියාවලිය ආයතනයක් තුල කෙසේ සිදු කරන්නේද යන්න පිළිබඳව සොයා බලමින් සමපාදස්ථ අදහස් නිරන්තරයෙන් ලබාගනිමින් දැනුම වැඩිකර ගැනීමට හැකියාව ලැබුනු බව මට හැඟේ. මීට අමතරව අන්තර්ජාලය පරිහරණය කරමින් ලබාගත් තොරතුරු වැදගත් විය. මෙහිදී සහභාගීත්ව කළමණාකරන පාසල් කළමණාකරනයේ ඉතා වැදගත් අංගයක් බව පාඨමාලාව තුලින් අධ්‍යනය කිරීමට හැකියාව ලැබුනි. මේ අනුව කළමණාකරන ක්‍රියාවලියට අවශ්‍ය දැනුම මෙන්ම කුසලතාව සංවර්ධනය කර ගැනීමට අවශ්‍ය පසුබිම පාඨමාලාව තුල අන්තර්ගත වූ බව මට හැfÛයි. ඒ තුලින් ලබාගත් දැනුම හා කුසලතා පදනම් කර ගනිමින් නිවැරදි නායකයෙකු මෙන් හොඳ කළමණාකරුවෙකු ලෙස අධ්‍යාපන ක්ෂේත්‍රයේ ඉහළට යාමට අවශ්‍ය මඟ පාදන බව මට හැඟේ. මෙසේ ලබාගත් දැනුම කුසලතා තුලින් නිවැරදි නායකත්වයක් තුලින් කළමණාකරන ක්‍රියාවලිය පාසල් පද්ධතිය තුල ක්‍රියාත්මක කිරීම තුලින් ගැටලු අවම වන පරිදි පාසල් පරිපාලන කටයුතු සැලසුම් කරගත හැකි බව මට හැඟේ.
ඉගෙනුම්ඵලය 03
වෙනස්වීම් සඳහා ඇති බලපෑම හා වෙනස්කම් හඳුන්වා දීමට හා ක්‍රියාත්මක කිරීමට අවශ්‍ය කුසලතා හඳුනාගැනීම. ගුරු අධ්‍යාපනඥයෙකු ලෙස කටයුතු කිරීමේදී පාඨමාලාව තුලින් කළමණාකරන ක්‍රියාවලිය තුල වෙනස්වීම් සඳහා ඇති බලපෑම පිළිබඳව ද හා එම වෙනස්වීම් සුමටව ක්‍රියාත්මක කිරීම සඳහා අවශ්‍ය ක්‍රියාමාර්ග පිළිබඳ අධ්‍යයනය කරන අතර එහිදී වෙනස්වීම් සඳහා කෙසේ මුහුණ දිය යුතුද යන්න පිළිබඳව කිසියම් දුරකට අවබෝධයක් තිබූ අතර එම ලබා දී තිබූ දැනුම යාවත්කාලින කර ගැනීම හා වැඩිදියුණු කරගැනීම සඳහා මෙම පාඨමාලාව ඉතා වැදගත් වූ බව මට හැඟී යයි. මෙහිදී පාඨමාලාව අධ්‍යයනය කිරීමට අවශ්‍ය බොහෝ ඉගෙනුම් සම්පත් ලබා දී තිබූ අතර එම ඉගෙනුම් සම්පත් නිවැරදි ලෙස භාවිතා කරමින් ලබාගත් දැනුම ඉතා ප්‍රයෝජනවත් වනු ඇත. මෙහිදී දින පාසල් තුලින් ලද දැනුම මෙන්ම සමපදස්ථයන් ලබාගත් දැනුම මෙන්ම අන්තර්ජාලය මඟින් ලබාගත් න්‍යායාත්මක දැනුම ඉතා වැදගත් බව මට හැඟිනි. මෙම පාඨමාලාව අධ්‍යයනය කිරීම තුල ප්‍රායෝගිකව කළමණාකරන භූමිකාව තුල වෙනස්වීම් වලට අදාල බලපෑම් හා ඒවා කළමණාකරනය කරගත යුතු ආකාරය පිළිබඳ අධ්‍යයනය කිරීම හා ඒ තුලින් විදුහල්පතිවරයෙකු මෙන්ම නායකයෙකු ලෙස අත්පත්කරගත යුතු කුසලතා මොනවාද යන්න පිළිබඳ අධ්‍යයනය කිරීමේ හැකියාව පාඨමාලාව තුලින් හැකියාව ලැබුනි. නායකයෙකු ලෙස කළමණාකරන ක්‍රියාවලිය තුල ඇතිවන වෙනස්විම් සඳහා අවශ්‍ය තීරණ ගැනීම මෙන්ම එහිදී ඇතිවන බලපෑම නිසි පරිදි කළමණාකරන කර ගැනීම වැදගත් බවත් ඒ සඳහා ක්‍රමවේදය සකස්කර ගැනීම කෙසේ සිදුකරන්නේද යන්න පිළිබඳ පාඨමාලාව තුලින් අධ්‍යයනයට හැකියාව ලැබුනි. මේ අනුව ප්‍රායෝගිකව ඉදිරි වෘත්තිය ජීවිතය තුල ලබාගත් දැනුම භාවිතා කරමින් හොඳ නායකයෙකු ලෙස කටයුතු කිරීමට අවශ්‍ය දැනුම මෙන්ම කුසලතාවය පාඨමාලාව තුලින් ලද බව මට හැඟී යයි. මෙම ලබාගත් දැනුම මාගේ අනෙකුත් විදුහල්පතිවරුන් සමඟ බෙදාගනිමින් අධ්‍යාපන පද්ධතියට පැහැදිලි වෙනසක් සිදු කරමින් පාසල් ප්‍රජාව සවිමත් කිරීමට හැකියාව ලැබෙනු ඇතැයි මට සිතේ.
ඉගෙනුම්ඵලය 04
සමීප පරිසරයේ ඇති පාරසරික ගැටලු හඳුනාගැනීම හා ඒවා සඳහා වැඩි දියුණු කිරීම් යෝජනා කිරීම. ගුරු අධ්‍යාපනඥයා කළමණාකරුවෙකු මෙන්ම නායකයෙකු ලෙස කටයුතු කිරීමේදී 9544 පාඨමාලාව අදාල ඉගෙනුම්ඵල 04 යටතේ සමීපතම පරිසරයට අදාල ගැටලු හඳුනාගැනීම හා ඒවා සඳහා අවශ්‍ය විසදුම් යෝජනා කිරීමට අදාලව අධ්‍යයන් කිරීමට හැකියාව ලැබුනි. මා විදුහල්පතිවරයෙකු ලෙස කටයුතු කිරීමේදී එහිදී ඇතිවන පාරිසරික ගැටලු හඳුනාගැනීම මෙන්ම එම ගැටලු සඳහා අවශ්‍ය විසදුම් ලබාදීම කෙසේ සිදුකරගනීද යන්න පිළිබඳව අධ්‍යයනය කිරීමට අවස්ථාව ලැබීම ඉතා වැදගත් බවට මට හැඟී යයි. ප්‍රායෝගිකව නායකයෙකු ලෙස ගැටලුවලට විසදුම් දීම මෙන් පවතින ක්‍රියාවලිය තුල යම් යම් අවස්ථාවල තීන්දු තීරණ ගැනීම පිළිබඳ මා තුල තිබූ අත්දැකීම හා පලපුරුද්ද තවදුරටත් සංවර්ධනය කරගැනීමට අවශය පසුබිම පාඨමාලාව තුලින් ලැබුනු බව මට හැඟේ. මේ සඳහා ලබා දී තිබූ ඉගෙනුම් සම්පත් ඉතා ප්‍රයෝජනවත් විය. ඊට අමතරව සමපදස්තයන් සමඟ දැනුම හුවමාරුගැනීමට අවස්ථාව සම්පාදනය කිරීම ඉතා වැදගත් බව මට හැඟේ. මෙහිදි දින පාසල් තුල සිදුකරන කණ්ඩායම් ක්‍රියාකාරකම් ඉතා වැදගත් විය. එසේම ඉගෙනුම් ක්‍රමවේදයක් ලෙස පාඨමාලාව තුල ක්‍රියාත්මක කරන ලද ඉගෙනුම් සිද්ධි මාලාව තුලින් ලද අත්දැකීම්ද ඉතා වැදගත් විය. කළමණාකරන ක්‍රියාවලිය තුල ලෙවින් ඉදිරිපත් කර ඇති න්‍යායාත්මක පසුබිම ක්‍රියාවට නංවමින් නායකයෙකු ලෙස පාසල් පද්ධතිය තුල සිදුකරන වෙනස්වීම් හා ඊට අදාල යෝජනා නිවැරදි ලෙස ක්‍රියාත්මක කිරීමට අවශ්‍ය න්‍යායාත්මක දැනුම පාඨමාලාව අධ්‍යයනය මඟින් ලබාගත හැකි වූ බව මට හැඟේ. මෙහිදී ලෙවින් ඉදිරිපත් කර තිබූ ප්‍රධාන පියවර තුන අනුව පාරිසරික ගැටලු හඳුනාගැනීම මෙන්ම ඒවා නිසි ක්‍රමවේදයන්ට අනුව කළමණාකරන කිරීම ඉතා වැදගත් විය. ඒ සඳහා මූලික පියවර 8 ක් ඔස්සේ සැලසුම ක්‍රියාවට නැංවීම සිදුකරන ලදි. එසේ ලබාදුන් දැනුම පාදක කර ගනිමින් මාගේ වෘත්තීය ජීවිතය තුල ඉදිරි සැලසුම් සකස් කිරීම මෙන්ම ක්‍රියාත්මක කිරීමට අවශ්‍ය පසුබිම සකසා ගැනීමට පාඨමාලාව අධ්‍යයනයෙන් හැකි වු බව මට හැඟේ.
0 comments:
Post a Comment